Алтынньы ый 5 кунугэр профессиональнай бырааһынньыкпытын Учуутал уонна иитээччи күнүн бэлиэтээтибит. Нэһилиэк култуурунай киинэ оскуолаҕа киирэн бырааһынньыктааҕы кэнсиэри салайан ыыппыттара. Олохтоох дьаһалта уонна оскуола профсоюһа учууталларга бэйэлэрин сэмэй бэлэхтэрин туттарбыттара. Бары оонньоон, күлэн-үөрэн, кэнсиэр көрөн дуоһуйа сынньаммыппыт. 

Сыала -соруга:Тэрээһиннээх буолууну тэрийии, көмүскэс, аһыныгас санааны иитии

Угэс быһыытынан саҥа ыйбыт саҕаланан, ый кэрдиитинэн тэрээһин буолан ааста.Тэрээһини бэлэмнээн ыытта Парфенова Е.Н.

 Тэрээһиммит саҕаланыыта оҕолорго эти -сиини сайыннарар төрут хамсаныылары көрдөрдө. Ол кэннэ  алтынньы ый айыытын Добдурҕа, Хотой Айыыны оҕолорго билиһиннэрдэ. Уолаттарга анаан кыра курэх буолла.Тумугэр ыйбыт аһыгар хоточчу буспут ынах хааныгар тигистибит. Бу тэрээһиҥҥэ оҕолор, учууталлар көхтөөх кыттыыны ыланнар астынан-дуоһуйан тарҕастылар.

"Күhүңңү киhи күлбүтүнэн" диэн девизтээх «Көмүс күhүн» бырааhынньыкпытын балаҕан ыйын 14 күнүгэр ыыттыбыт. Бырааhынньыкпытыгар о5олор талан ылыллыбыт о5уруот аьын рекламалаатылар уонна саамай кыра, саамай улахан, сэдэх ас, дьикти коруннээх-формалаах астарынан, айылҕа матырыйаалынан оҥоһук, авангард көстүүм оҥорон курэхтэстилэр. Саамай улахан о5уруот аһын аатын сүктэ Кычкин Максим 6 кылаас үөрэнээччитэ. Уопсай күрэхтэһиилэр түмүктэринэн 6 кылаас 1 миэстэ, 1 кылаас 2 миэстэ, 2 кылаас 3 миэстэ буоллулар. Бырааhынньыкпытын үгэс буолбут дьаарбаңканан түмүктээтибит.

Сыала-соруга: Идэ иҥэриитэ. 

Балаҕан ыйыгар Улуу Суорун ыйын бэлиэтээтибит. Ол курдук оҕолорго ыйбыт айыытын Лебедева Парасковья Егоровна билиһиннэрдэ. Ол кэннэ үгэс быһыытынан ыйбыт аһын собо миинин иһии буолбута. 

        Балаҕан ыйын 1 күнүгэр үөрэх дьылын көрсө оскуолабытыгар мустан «Билии күнүн» ыллыбыт. Оскуола дириэктэрэ Петров Петр Николаевич  саҥа үөрэх дьылыгар эҕэрдэ тыл эттэ, маҥнайгы кылаас оҕолоругар бэлэх туттарда. Олохтоох дьаһалта баһылыгын солбуйааччы Кычкин Андрей Никитич эҕэрдэлээтэ. Оскуола маннайгы чуораанын тыаһаттылар  Уйусхан Константинов уонна Олеся Петрова. Талба талааннаах, киэн билиилээх 4 сана учуутал улэтин саҕалаата. Быйылгы үөрэх дьылыгар оҕолорго үрдүктэн үрдүк ситиhиилэри,  билиини, ситиһиилээх уөрэнээччи буолалларыгар баҕарабыт.